اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية

شلل العصب السادس 5

    

حالة هذا الأسبوع ( 200 ) الشيخ مبارك الشنايني .. 43 سنة .. من اليمن

" شلل العصب السادس "

من حوالي سنه .. الشيخ مبارك اتعرض لحادث فظيع وإصابة بالرأس .. قعد في الرعاية فترة وبعدين خرج كويس الحمد لله بس فضل عنده شلل بالعصب السادس .. دكاترة المخ والأعصاب في اليمن قالوا له لازم تستنى سنة على علاج الأعصاب وإذا استمر شلل العصب لمدة سنة بعد الإصابة يبقى لازم تعمل عملية عند جراح الحول

ده طبعاً كلام صح .. لازم نستنى فعلاً سنة بعد الإصابة قبل مانعمل عملية شلل العصب السادس .. لأن فيه فعلاً حالات بتخف على علاج المخ والأعصاب قبل مرور السنة

المهم .. الشيخ مبارك جالي العيادة من شهر تقريباً .. وزي ما شرحت لكم المرض ده في حالات قبل كده العصب السادس هو اللي بيحرك العين لبره .. يعني العين اللي فيها شلل في العصب السادس مش بتعرف تتحرك لبره .. وطبعاً العين بيكون فيها حول انسي عشان العضلة الخارجية مش شغالة .. فالعضلة الداخلية بتكون أقوى .. فتشد العين ناحية الأنف .. والعيان يبقى مش عارف يبص للجنب .. عشان كده المرضى دول اللي عندهم المرض ده نلاقيهم دايماً عاوجين رقبتهم وبيبصوا بالجنب .. يعني بيبصوا براسهم ..

طيب في عمليه شلل العصب السادس بنعمل ايه ؟

عملية شلل العصب السادس بننقل فيها العضلات الرأسيه السليمه اللي فوق وتحت العين ونوصلها بالعضله الخارجيه المشلوله .. فالحول الأنسي يتعدل وكمان العين تعرف تتحرك لبره والعيان يعدل رقبته ويبص عادي زي أي واحد طبيعي

عملت العملية للشيخ مبارك .. دي صورته بعد العملية بأسبوع .. الحمد لله .. نتيجة العملية ممتازة .. الحول الأنسي خف تماماً .. ورقبته اتعدلت خلاص مبقاش يبص بالجنب .. وكمان العين رجعت تتحرك لبرة طبيعي زي الأول

حمد الله على سلامتك يا شيخ

د. جمــال صبـــحي




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders