اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الانسي التبادلي 5


    
 

حالة هذا الأسبوع ( 116 ) : أميرة .. 14 سنة .. من المحلة الكبرى

" الحول الانسي التبادلي "

الحول الانسي التبادلي ياجماعه مع ان درجة الحول بتكون كبيره قوي وشكله مش حلو انما مش بنخاف منه أبداً .. حأقولكم ليه ..

حول تبادلي يعني ايه ؟ ..

يعني الحول كل شويه يبدل .. شويه تبقى العين اليمين حوله والعين الشمال مظبوطه .. يقعد شويه كده وبعدين يقلب على الناحيه التانيه .. العين الشمال تحول والعين اليمين تبقى مظبوطه .. وهكذا .. يعني أميرة ساعات تبص بالعين اليمين وساعات تبص بالعين الشمال .. عشان كده العيانين دول مش ممكن يحصل لهم كسل وظيفي أو عينهم تضعف أبداً ..

الكسل ده يا جماعه بيحصل للعيانين اللي عندهم عين حوله على طول .. العين اللي حوله على طول ياجماعه نظرها بيضعف جداً .. بتكسل يعني .. انما العيان اللي بيبدل زي أميرة كدة بنلاقي نظرهم في عينيهم الاتنين ممتاز .. حتستغربوا جداً لو قلتلكم انها برغم الحول الجامد اللي عندها ده .. عينها اليمين 6/6 والشمال 6/6

احنا بنعمل عملية للحول التبادلي عشان شكل العيان يبقى حلو .. زي أميرة كده .. بعد العملية بقت " قمر" .. ولسه لما شوية الاحمرار دول يروحوا بعد اسبوع كده .. مش حنعرف نكلمها ..

الف مبروك يا حبيبتي .. وحمد الله على سلامتك

د. جمــال صبـــحي

 

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders