اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي التبادلي 1


    
 

 

حالة هذا الأسبوع ( 48 ) . د. منير سلامة .. 36 سنة .. من ليبيا

" الحول الوحشي التبادلي عند الكبار "

قبل ما ندخل في الموضوع لازم الأول اتوجه بشكري للدكتور منير لأنه سمح لي بكل ترحاب اني انزل صورته على الصفحة بتاعتي

من اسبوعين كده .. بافتح صندوق الرسايل بتاع صفحتي على الفيس عشان ارد على اسئلة المرضى زي كل يوم .. لفت نظري رسالة بإسم/ د. منير سلامة هذا نصها :

" السلام عليكم د. جمال .. انا اسمي منير سلامة من ليبيا عندي 36 سنة .. اعمل طبيباً بقسم الرعاية الحرجة بأحد المستشفيات في شرق ليبيا .. عندي حول وحشي تبادلي منذ فترة طويلة .. الحول يسبب لي حرج بالغ .. اعرف ياسيدي ان علاج الحول عندي هو بالعملية الجراحية .. وسوف تعجب اذا ما عرفت ان ما منعني من اجراء العملية حتى وصلت لهذه السن هو خوفي الشديد من العمليات – مع اني طبيب واعمل كل يوم في غرف العمليات – ولكني الان متشجع جداً لعمل العملية بعد مشاهدتي على صفحتك لصور المرضى لحالات كثيرة مشابهة لحالتي والنتائج الرائعة التي تحققها "

هأقول لكم سر خطير ياجماعة .. أصعب مرضى بنقابلهم هم الدكاترة .. الدكاترة يا جماعة لما بيكونوا مرضى بيكونوا متعبين جداً .. ومترددين جداً .. دايماً تلاقيهم بيفكروا في كل المشاكل اللي عارفينها في الكتب وبيكونوا متصورين ان المشاكل والمضاعفات دي لازم هتحصل لهم من العملية .. واسئلتهم مش بتخلص ..  البنج ؟ .. المستشفى ؟ .. الجراحة ؟ .. الغرز ؟ .. نسبة نجاح العملية كام في المية .. ممكن الحول ده يرجع تاني .. الخ ..

المهم .. بعد تشات على الفيس استمر لعدة ايام مع دكتور منير .. اتفقت معاه انه يبعتلي ميعاد وصوله للقاهرة بعد تحديد موعد السفر .. زي مانتم عارفين الظروف في ليبيا دلوقتي صعبة .. المهم على اساس تاريخ وصوله نحدد ميعاد للكشف في العيادة عشان نقيس درجة الحول وبعدين نعمل العملية في اليوم التالي للكشف .. زي ما باعمل مع العيانين اللي من برة مصر .. عشان مايضيعوش وقت طويل هنا .. القصة كلها بتاخد 5 ايام في القاهرة .. يوم للكشف في العيادة مساءً .. تاني يوم الصبح عملية في المستشفى .. استشارة في العيادة بعد يومين من العملية عشان اطمن ان الحول اتعدل خلاص .. بأقول للعيان حمد الله على سلامتك .. عمليتك ممتازة والحول اختفى خلاص .. تقدر ترجع بلدك بالسلامة ونتواصل على الفيس مع بعض نتابع الاحمرار وكده .. وعن طريق الصور باقدر اوصف القطرات المطلوبة لاستكمال العلاج.

ده اللي حصل مع دكتور منير .. بعت من اسبوع قال لي :

 " انا هأوصل القاهرة السبت القادم 10 صباحا يا دكتور جمال " ..

" اوكي يا منير .. تكون عندي في العيادة السبت 7 مساءً .. هنعمل العملية ان شاء الله الأحد 10 صباحاً .. واشوفك تاني في العيادة الاثنين مساءً .. وبعدين تسافر ليبيا بالسلامة "

دي صورة دكتور منير يوم الاثنين .. يعني بعد العملية بيومين .. العين طبعاً لسه حمرا .. لكن الحول .. الحمد لله يستاهل الحمد .. الحول اختفى تماماً ..

" حمد الله على السلامة يا د. منير .. عمليتك هايلة والله .. تقدر تسافر ليبيا بكرة .. خد بالك من نفسك يابني .. الدنيا عندكم صعبة اليومين دول .. ربنا يحفظك "

" تسلم ايديك يا دكتور جمال .. ربنا يخليك لينا .. اشوف وشك بخير .. هاكلمك على الفيس زي ماتفقنا .. مش عارف هنشوف بعض تاني ولا لأ .. زي ما بتقولوا عندكم في مصر .. اللقا نصيب ..  "

د. جمال صبحي

 

 

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders