اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي التبادلي 12

حالة هذا الأسبوع ( 194 ) مريم محمد ابراهيم .. 11 سنة .. من بورسعيد

" الحول الوحشي التبادلي "

من حوالي شهر .. البنوته الأموره دي .. جت لي مع مامتها من بورسعيد .. مامتها قالت لي ان الحول ظهر عندها وهي عندها 3 سنين .. راحت لدكاتره كتير كلهم قالوا ان الحول الوحشي ده علاجه عمليه .. ملهوش علاج تاني .. وكلامهم صح طبعاَ

مامتها خافت تعمل العمليه .. مريم كانت لسه صغيره ..

المهم .. مريم كبرت دلوقتي .. 11 سنه .. يعني بقت آنسه خلاص .. مينفعش تبقى آنسه زي القمر كده وعايشه بالحول ده ..  الحول اللي عندها مخبي وشها الجميل .. مامتها طبعاً عايزه تشوف حل .. ومريم كمان ابتدت تضايق من الموضوع ده

كشفت عليها .. لقيت عندها الحول اللي كلكم عارفينه لأني شرحته قبل كده كتير على صفحتي .. الحول الوحشي التبادلي .. برغم ان الحول التبادلي بيكون جامد وبيأثر على شكل الواحد .. انما عمره ما يأثر على النظر .. لأنه تبادلي يعني العيان شويه تبقى عينه اليمين هي اللي حوله وعينه الشمال مظبوطه .. وشويه عينه الشمال تحول وعينه اليمين تبقى مظبوطه .. عشان كده العيانين اللي عندهم الحول التبادلي نظرهم مش يضعف ومش بيحصل لهم كسل وظيفي

بس برضه الحول بيسبب للعيان حرج شديد .. وعشان كده العيانين دول برغم ان نظرهم كويس لكن كلهم بيعملوا عملية الحول ومش بيقبلوا يكملوا حياتهم كده

عملت العمليه لمريم من اسبوع .. جت لي النهارده استشاره .. الحمد لله عينيها اتعدلت تماماً .. عمليتها زي الفل .. لسه عينيها حمرا بس باين جداً ان عمليتها حلوه وهتبان أكتر كمان اسبوعين لما الحمار ده يخف خالص .. البنت فعلاً زي القمر

الف حمد الله على سلامتك يا حبيبتي

وألف مبروك

د. جمــال صبـــحي

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders