|
حالة هذا الأسبوع ( 213 )
عبد
الله فؤاد صالح .. 20 سنة .. من حضرموت .. اليمن
" الحول الوحشي التبادلي "
عبد الله فؤاد الشاب اليمني الطيب ده جالي العيادة
من اسبوع ومعاه 3 شباب يمنيين أصحابه .. جايين مخصوص معاه
عشان يقفوا جنبه لما يعمل العملية
الحول ده ظهر عند عبد الله من وهو صغير .. فضل طول
عمره متردد يعمل العملية .. خايف جداً .. قالي بالحرف
الواحد ان الحالات اللي بانزلها على صفحتي شجعته وخلته
ياخد قرار انه يعمل العملية .. وقالي انه جاي مصر هو
واصحابه عشان الموضوع ده بس وهيسافروا اليمن بعد العملية
على طول
المهم تاني يوم الصبح عملت العملية لعبد الله
النهارده عبد الله جالي العيادة ومعاه اصحابه
التلاتة ومعاهم شنط السفر .. هيطلعوا من العيادة على
المطار .. كانوا فرحانين جداً .. عبد الله عينه اتعدلت
فعلاً .. كانوا مبسوطين أوي بنتيجة العملية .. اتصوروا
معايا صور كتير وقالوا لي اختار منها صورة وانزلها على
صفحتي
الحمد لله عملية عبد الله حلوة جداً جداَ جداً
حمد الله على سلامتك يا ابني وألف مبروك
د. جمال صبحي
|
.jpg)
