اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الانسي للأطفال الرضع 12



    
 

 

حالة هذا الأسبوع ( 78 ) سلمى مصطفى  ..5 شهور .. من المنيا

" الحول الانسي للاطفال الرضع "

قبل ما اتكلم على نوع الحول ده .. أحب أقول لكم حاجة :

تصدقوا كل أما أعرض صورة سلمى قبل وبعد العملية على أي أم في العيادة أو في أي محاضرة أتفاجئ بحد يقولي : " بس دي مش هي دي يا دكتور جمال "

مش معقول .. هو الحول بيغير شكل الناس كده .. هو لما الحول يتعدل بيغير شكل الواحد للدرجة دي .. لدرجة انك متعرفوش بعد العملية .. لدرجة انك تقول " بس دي مش هي دي "

المهم .. نخش في موضوع الحول الأنسي للأطفال الرضع

" معقول نعملها عملية في السن دي ؟؟؟ "

ونعملها في سن أصغر من كده كمان .. مش أحسن لما نسيبها لما تكبر بالحول ده ونظر العين الحولة يضعف .. ونخش في مشكلة كسل العين .. ونقعد نعالج في الكسل والضعف شهور وسنين .. ويا عالم هيتعالج ولا مش هيتعالج

نقول تاني وتالت .. لما البيبي يظهر عنده حول انسي في اول 6 شهور من عمره يبقى لازم نكشف عليه فوراً .. اوعوا تصدقوا اللي يقول لكم ان كل العيال بيتولدوا كده.. لأ طبعاً .. مش كل العيال بيتولدوا كده .. ده كلام غلط .. بصوا حواليكم هتلاقوا مش كل العيال كده ولا حاجة .. بنتكم بس هي اللي كده

الحول الانسي للاطفال الرضع مالوش علاج إلا العملية .. وكل مانعمل العملية بدري كل ما كان احسن .. عشان العين الحولة ماتضعفش او تكسل .. وعشان كمان مركز اتحاد العينين في المخ بيتكون في السن الصغيرة دي ..  وانا دايماً بأقول نتايج العمليات عند البيبيهات دول ممتازة .. وعادة بيحتاجوا عملية واحدة عينيهم بتتعدل بعدها .. زي عملية سلمى كده .. عينها اتعدلت تماماً .. دي صورتها بعد العملية ..شكلها اتغير فعلاً

حمد الله على سلامتك يا سلمى .. والف مبروك يا حبيبتي

د. جمــال صبـــحي

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders