اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الانسي للأطفال الرضع 13



    
 

حالة هذا الأسبوع ( 94 ) فريدة شريف  .. عندها سنة .. من القاهرة

" معقول نعمل لفريدة عملية .. دي لسه ما كملتش سنة "

وبنعملها في سن أصغر من كده .. كل أما نعمل العملية بدري كل ما كان أحسن .. مش أحسن لما نسيبها لما تكبر بالحول ده ونظر العين الحوله يضعف .. ونخش في مشكلة كسل العين .. وعلاج كسل العين

ياجماعة انا مش هابطل اتكلم ابدا عن الحول الانسي عند الاطفال الرضع .. كتير من البنات الكبار اللي بيجولي عندهم حول انسي بيدور بينا الحوار المتكرر ده :

·     " من امتى يابنتي عندك الحول ده ؟ "

·     " من زمان يادكتور جمال .. ماما بتقول انا اتولدت كده "

·     " طيب يابنتي سايباها ليه لحد دلوقتي ؟ "

كل البنات بيقولوا نفس الاجابات

·     " ماما كانت خايفة عليا .. قالت لما أكبر شوية نبقى نكشف "

·     " الناس بيقولوا كل العيال بيتولدوا كده وبعدين عينهم بتتعدل لوحدها "

·     " اصل بيقولوا اللي بيعمل عملية .. الحول بيرجع تاني "

طيب اقول كمان مرة

لما البيبي عينه تخش لجوه في اول 6 شهور من عمره .. ده اسمه الحول الانسي للأطفال الرضع .. الحول ده ملهوش علاج إلا العملية .. بنحب نعمل العملية بدري عشان مركز اتحاد العينين في المخ بيتكون في السن الصغيرة دي ..  وانا دايماً بأقول نتايج العمليات عند البيبيهات دول ممتازة .. وعادة بيحتاجوا عملية واحده عينيهم بتتعدل بعدها .. زي عملية فريدة كده

حمد الله على سلامتك .. والف مبروك يا حبيبتي

د. جمــال صبـــحي     

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders