اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الانسي للأطفال الرضع 17


    
 

 

حالة هذا الأسبوع ( 114 ) : دانا .. 11 شهر .. من المنصوره

الحول الانسي الخلقي

طبعاً ياجماعه مش بنقدر نحكم على الحول عند البيبي إلا بعد الشهر الرابع .. قبل كده البيبي بيبقى لسه مش عارف يتحكم في عينيه .. كتير جداً من الأمهات بيسألوني ان البيبي بتاعهم اللي عنده شهر ولا شهرين عينه بتحول .. طبعاً الحول في السن دي ميقلقش أبداً .. دي حاجه طبيعيه عند بيبيهات كتير .. نبتدي نقلق امتى ؟ .. لو البيبي كبر وعدا الأربع شهور ولسه عنده حول .. لأ .. هنا ياجماعه لازم نكشف .. في السن دي الحول مش طبيعي أبداً.

حالة النهارده .. دانا عندها حول انسي خلقي .. الحول الانسي الخلقي هو حول مشهور جداً عند البيبيهات .. ساعات بنسميه " الحول الانسي للاطفال الرضع " ..  دانا الحول ظهر عندها في سن شهرين .. واستمر لحد النهارده .. دلوقتي دانا عندها 11 شهر .. بنفحص قاع العين عشان نتأكد انه فعلاً حول انسي خلقي

الحول ده مالوش علاج إلا العملية ..  مش بيتعدل لوحده أبداً .. مهما استنيتوا برضة حتعملوا العملية .. وكل مانعملها بدري كل ما كان احسن عشان العين الحوله ماتضعفش او تكسل

المهم كشفت على دانا واتفقت مع مامتها على ميعاد العمليه  .. دي صورتها بعد العمليه بأسبوع .. الحمد لله عمليتها زي الفل

حمد الله على سلامتك يا حبيبتي .. والف مبروك...

د. جمــال صبـــحي




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders