اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الانسي للأطفال الرضع 23



    
 

حالة هذا الأسبوع ( 175 ) بسملة  .. سنة و7 شهور .. من المنيا

نقول تاني وتالت ورابع لكل الأمهات .. لما البيبي بتاعك يظهر عندها حول انسي يعني عينها تخش لجوه زي بسملة كده في اول 6 شهور من عمرها يبقى لازم تكشفي عليها فوراً .. إوعي تصدقي اللي يقول لك ان كل العيال بيتولدوا كده.. لأ طبعاً .. مش كل العيال بيتولدوا كده .. ده كلام غلط .. بصي حواليكي مش هتلاقي كل العيال كده ولا حاجه .. بنتك بس هي اللي كده .. وإوعي تصدقي اللي يقول لك بكره عينها هتتعدل لوحدها .. انا بنتي كانت كده وعينها اتعدلت لوحدها .. برضه غلط .. غلط خالص .. الحول ممكن يتعدل لوحده فعلاً بس الكلام ده على بيبيهات عندهم شهر ولا شهرين .. لكن ما دام الحول استمر بعد الشهر الرابع يبقى مش هيتعدل لوحده خلاص .. لازم تروحي لدكتور وتشوفي الحول ده هيتعدل إزاي

يا جماعة الحول الانسي للاطفال الرضع .. أو ساعات بنسميه الحول الأنسي الخلقي ملوش علاج إلا العملية .. ملوش علاج تاني .. وكل مانعمل العملية بدري كل ما كان احسن .. عشان العين الحوله ماتضعفش او تكسل .. وعشان كمان مركز اتحاد العينين في المخ بيتكون في السن الصغيرة دي ..  طبياً العملية دي بتتعمل بأمان كامل من أول عمر 4 شهور .. وانا دايماً بأقول نتايج العمليات عند البيبيهات دول بتكون ممتازة .. وعادة بيحتاجوا عملية واحده عينيهم بتتعدل بعدها على طول .. زي عملية بسملة كده .. عينها اتعدلت تماماً .. دي صورتها بعد العملية .. عينها اتعدلت تماماً

حمد الله على سلامتك يا حبيبتي

مركز علاج الحول

د. جمال الدين احمد صبحي

رئيس قسم الحول بالمعهد التذكاري للأبحاث الرمدية





الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders