اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الانسي للأطفال الرضع 9



    
 

حالة هذا الاسبوع

 روان حسني .. سنة و7 شهور .. من سوهاج

" معقول نعملها عملية في السن دي ؟؟؟ "

ونعملها في سن أصغر من كده كمان .. مش أحسن لما نسيبها لما تكبر والحول ده في عينيها ونظر العين الحولة يضعف .. ونخش في مشكلة كسل العين .. ونقعد نعالج في الكسل والضعف شهور وسنين .. ويا عالم هيتعالج ولا مش هيتعالج

نقول تاني .. لما البيبي يظهر عنده حول انسي ياجماعة في اول 6 شهور من عمره يبقى لازم نكشف عليه فوراً .. اوعوا تصدقوا اللي يقول لكم ان كل العيال بيتولدوا كده.. لأ طبعاً .. مش كل العيال بيتولدوا كده .. ده كلام غلط .. بصي حواليكم هتلاقوا مش كل العيال كده ولا حاجة .. بنتكم بس هي اللي كده

الحول الانسي للاطفال الرضع يا جماعة مالوش علاج إلا العملية .. وكل مانعمل العملية بدري كل ما كان احسن .. عشان العين الحولة ماتضعفش او تكسل .. وعشان كمان مركز اتحاد العينين في المخ بيتكون في السن الصغيرة دي ..  وانا دايماً بأقول نتايج العمليات عند البيبيهات دول ممتازة .. وعادة بيحتاجوا عملية واحدة عينيهم بتتعدل بعدها .. زي عملية روان كده .. عينها اتعدلت تماماً .. دي صورتها بعد العملية بأسبوع ..

حمد الله على سلامتك يا روان .. والف مبروك يا حبيبتي ...

د. جمــال صبـــحي

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders