اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي المتقطع 14


    
 

 

حالة هذا الأسبوع ( 181 ) رشا .. 24 سنة .. أجمل دكتورة في بورسعيد

" الحول الوحشي المتقطع "

الدكتورة القمر دي كانت عندي من حوالي شهر .. عندها الحول المشهور اللي اسمه الحول الوحشي المتقطع .. الحول ظهر عند رشا من زمان وهي صغيرة .. انا طبعاً كلمتكم عن نوع الحول ده كتير قبل كده وكلكم عرفتوه وحفظتوه خلاص ( حول وحشي يعني العين بتحدف لبره ومتقطع يعني الحول مش على طول .. ساعات يبقى فيه حول وساعات مفيش والعين يكون شكلها طبيعي خالص )

فجأة القمر اللي قدامكم ده عينها تحول لبره وبعدين تتعدل تاني .. طبعاً الموضوع مسبب لها حرج خصوصاً انها أموره جداً وكمان عشان هي دكتورة .. ودكتورة شاطرة كمان والموضوع ده مضايقها جداً.

رشا قالت لي انا متابعه صفحتك من سنين يا دكتور جمال .. وعارفه ان نظري حلو جداً ومش هيضعف من الحول ده لأنه حول مؤقت مش موجود على طول .. لكن شكلي لما عيني بتحول بيزعلني جداً .. الحول صحيح بيظهر عندي قليل جداً لكن عايزه أعمل عمليه عشان الحول ده مايظهرش تاني أبداً

المهم .. من اسبوع عملت العمليه لرشا .. بعدها بكام يوم اتصلت بيا عشان تيجي مصر متابعة بعد العمليه .. قلت لها مش لازم تتعبوا نفسكم .. الحول المتقطع نتيجته بتبان لكل الناس يارشا .. لو مفيش حول بيظهر يبقى العمليه ناجحه .. مش لازم تيجي من بورسعيد يا بنتي .. بس خليكي ماشيه على القطرة لحد ما الإحمرار اللي بعد العملية يروح .. قالت لي تسلم ايديك يا دكتور جمال .. العمليه ناجحه 100 % .. لكن أنا لازم آجي مصر عشان أشكرك .. حضرتك حليت لي أكبر مشكلة في حياتي ..  الموضوع طلع بسيط خالص زي مابتكتب على صفحتك .. أنا مش عارفه أجلته ليه طول السنين دي .. الحول خلاص مش بيظهر أبداً .. الحمد لله رب العالمين .. العمليه زي الفل.

والمفاجأة الكبيرة بقى يا جماعه .. ان رشا لما جت العيادة قالت لي بمنتهى الشجاعة انا عايزاك تنزل حالتي على صفحتك في حالة هذا الأسبوع .. لازم البنات اللي خايفين يعملوا العمليه يشوفوا النتيجة الهايلة دي وإزاي إن الموضوع بسيط جداً مايستاهلش أي قلق.

حمد الله على سلامتك يا بنتي والف مبروك يادكتورة.

د. جمــال صبـــحي

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders