اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي المتقطع 3


    
 

 

 

حالة هذا الأسبوع ( 61 ) زياد عبد الله 10 سنين .. من شبين الكوم

" الحول الوحشي المتقطع "

الحول ده من أنواع الحول المشهورة جداً والمنتشرة جداً .. حول وحشي زي مانتم عارفين يعني العين بتحدف لبرة ومتقطع يعني مش على طول .. يعني ساعات العين تبقى حادفة لبرة وباين قوي انها حولة وساعات ما يكونش فيه أي حول

والحول ده ما يخوفش أبداً .. عمر العين نظرها مايضعف من الحول المتقطع لأن كل شوية العين بتتعدل وتبص طبيعي خالص عشان كده نظرها مش بيضعف أبداً زي مابيحصل في أنواع الحول التانية اللي العين فيها ما بتتعدلش .. والولاد دول بيكبروا ونلاقي نظرهم ستة على ستة .. يعني الحول المتقطع عمره ما يعمل كسل زي انواع الحول التانية .. ورغم اني بأقول الكلام ده لكل الامهات وان الحول المؤقت ده ملوش أي ضرر الا ان مافيش أم بتوافق أبداً انها تسيب ابنها او بنتها تحول بالمنظر ده ودايماً يطلبوا مني انهم يعملوا عملية عشان الحول المؤقت ده ما يظهرش عندهم تاني .. وانا فعلاً باعمل عمليات كتيرة جداً لأطفال عندهم حول متقطع بيظهر أوقات قليلة رغم اني دايماً بأقول انه حول غير ضار على الاطلاق .. لكن اللي بيخليني مطمن  دايماً حاجتين .. أول حاجة ان عمليات الحول المتقطع دايماً بتنجح بإذن الله وتوفيقه وبعد العملية الحول ما بيظهرش أبداً .. الحاجة التانية انا عندي قناعة ان من حق الطفل انه يكبر في جو صحي وماحدش يضحك عليه ولا يبصله بصه مش هي ويحسسه انه مش طبيعي ونفسيته تتأثر في السن الحرجة دي.

المهم .. الحمد لله عملت العملية لزياد وفعلاً الحول بطل يظهر خالص .. بصراحة زياد بقى حاجة تانية خالص

حمد الله على سلامتك يا حبيبي  .. والف مبروك

د. جمــال صبـــحي

 

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders