اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي المتقطع 8


    
 

حالة هذا الأسبوع ( 126 ) مريم الفقي .. 15 سنة .. من المحلة الكبرى

" الحول الوحشي المتقطع "

البنت القمر دي كانت عندي من حوالي شهرمع مامتها .. عندها الحول المشهور اللي اسمه الحول المتقطع .. انا طبعاً كلمتكم عن الحول ده كتير قبل كده وكلكم عرفتوه وحفظتوه خلاص.

فجأة القمر اللي قدامكم ده عينها تحول لبره وبعدين تتعدل تاني .. كل شويه تعمل كده .. طبعاً الموضوع مسبب حرج للبنت خصوصاً انها أموره وشايفه نفسها حبتين.

مامتها كانت زعلانه قوي من الموضوع ده .. قالت لي انا متابعه صفحتك على طول يا دكتور جمال .. وعارفه ان مريم نظرها حلو ومش هيضعف من الحول ده لأنه مش موجود على طول .. لكن شكل البنت لما تحول بيزعلنا كلنا .. عايزين نعمل عمليه عشان الحول ده مايظهرش تاني أبداً .. يرضيك بنت بالجمال ده كل شويه عينها تحول بالمنظر ده.

طبعاً ما يرضنيش .. المهم .. عملت لمريم العمليه بعدها بكام يوم .. مامتها اتصلت امبارح من المحله عشان تيجي مصر اشوفها بعد العمليه .. قلت لها مش لازم تتعبوا نفسكم .. الحول المتقطع نتيجته بتبان لكل الناس .. لو مفيش حول بيظهر يبقى العمليه ناجحه .. مش لازم تيجي من المحله .. قالت لي تسلم ايدك يا دكتور جمال .. العمليه ناجحه 100 % .. الحول خلاص مش بيظهر ابداً .. انا هابعت لك صورتها بعد العمليه على الواتساب .. الحمد لله رب العالمين .. العمليه زي الفل.

والمفاجأة الكبيره بقى ان مامتها قالت لي انا عايزاك تنزل صورها على صفحتك عشان الناس اللي خايفه يعملوا العمليه لولادهم وبناتهم يشوفوا القمر بتاعنا بقى عامل ازاي.

حمد الله على سلامتك يا حبيبتي والف مبروك.

د. جمــال صبـــحي

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders