اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الانسي المرتجع 1



    
 

 

حالة هذا الأسبوع : ابراهيم ميرغني ..29 سنة .. من الزقازيق 

الحول الانسي المرتجع

أولاً شكراً يا ابراهيم انك وافقت انزل صورك على صفحتي ..

الحالة دي مثل واضح لعيان محبط عمل عمليتين حول قبل كده .. والحول رجعله تاني ... ابراهيم ظهر عنده الحول وهو في ابتدائي .. عمل عملية ساعتها والحول رجع تاني لما وصل تالتة اعدادي .. فعمل عملية حول تانية وهو في الجامعة .. من سنتين كده الحول بدأ يرجع تاني  .. ابراهيم عنده دلوقتي 29 سنة .. طبعاً العين الحولة ضعفت جداً .. فيها كسل وظيفي عميق جداً ...

ومع السنين درجة الحول بقت كبيرة وأثرت على شكله ونفسيته .. كل مايتقدم لوظيفة يرفضوه عشان الحول ده

  ابرهيم جالي العيادة بيسأل على حل لمشكلته .. قلتله نقدر يا ابراهيم نعدل الحول بعملية تالتة .. قلتله حيبقى شكلك حلو بعد العملية أحسن من كدة يعني .. لكن النظر مش هيتحسن .. يعني عملية تجميلية لاصلاح الشكل بس .. مش لاصلاح الوظيفة .. وفهمته قبل العملية ان الحول اللي عنده درجته كبيرة قوي مش حاقدر اصلحه من ناحية واحدة .. لازم اشتغل كمان في العين التانية السليمة  ...

ابراهيم وافق .. وعملتله العملية .. النتيجة كانت مفاجأة حتى ليا أنا .. ماكنتش مصدق ان النتيجة هتكون رائعة كده في العملية التالتة

حمد الله على سلامتك يا ابراهيم وألف مبروك ...

د. جمــال صبـــحي

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders