اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 1


    
 

 

حالة هذا الأسبوع : مدام نيفين ... طنطا.. الغربية

الحول الوحشي للعين الضعيفة

شكراً يا نيفين انك سمحتي لي انزل صورتك على صفحتي

مدام نيفين عندها 32 سنة وعينها الشمال ضعيفة جداً من زمان ... عشان كدة حصلها حول وحشي في العين دي ... صحيح العين كسلانة جداً وصعب ان نظرها يتحسن ... لكن ليه تسيب نفسها حولة بالشكل دة .. لما نيفين جت لي العيادة  قلتلها طبعاً ممكن عملية الحول تغيرشكلك خالص يا نيفين .. اوعي تصدقي ان العملية مش حتنجح عشان العين ضعيفة .. او ان الحول لازم حيرجعتاني .. ده اعتقاد خاطئ عند كتير من المرضى وللأسف عند كتير من الدكاترة ..

صحيح الحول ممكن يرجع .. لكن نسبة رجوعه قليلة جداً متزيدش عن 5% من المرضى .. مش معقول نسيب 100 مريض عايشين بالحول الفظيع ده عشان خايفين ان 5 منهم يرجع لهم الحول ... ايه المنطق الغريب ده .. طيب وايه يعني .. مايرجع .. ماهو لما يرجع حنعمله عملية برضة والعين تتعدل تاني ...

نيفين كانت شجاعة ووافقت تعمل العملية .. الحمد لله عمليتها هايلة .. شكلها بقى جميل جداً .. ابتسامتها في الصورة التانية بتبين قد ايه هي فرحانة بشكلها الجديد الجميل ...

حمد الله على سلامتك يانيفين .. وشكراً كمان مرة انك وافقتي انزل صورتك على صفحتي  في حالة هذا الاسبوع ..

د. جمــال صبـــحي

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders