اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 12



    
 

 

حالة هذا الاسبوع ( 113 ) كرم عبد الجواد  18 سنة .. من قنا

" الحول الوحشي للعين الضعيفة "

من فتره فتحت رسايل صفحتي لقيت رساله من شاب صغير عنده حول وحشي جامد أوي ..  في الحقيقة يا جماعة المنظر ده بيستفزني جداً .. ازاي يعني ولد في أجمل سنين حياته يعيش كده .. احلى ايام عمره يعيشها بالمنظر ده .. ازاي .. انا مش لاقي اجابه والله .. انا مش باتكلم عن كرم بالذات .. انا قصدي الحالات دي في السن دي .. باشوفها كتير أوي وباستغرب أكتر .. صبيان وبنات ..  ازاي يعني ولد ولا بنت في الجامعة في وسط زمايلهم قاعدين كده .. طيب هما عايشين كده ليه .. راضيين بكده ليه .. الولاد دول لما باسألهم سايب نفسك كده ليه يابني ولا يا بنتي .. معملتش عملية ليه عشان تعدل الحول ..  باسمع منهم كلام في منتهى الغرابه .. كلام بيستفزني جداً .. شوفوا الولاد دول بيقولوا ايه :

·       الناس بتقول اوعى حد يلعب في عينك

·       اصلي سمعت اني لو عملت العملية الحول هيرجع تاني

·       دي خلقة ربنا .. محدش يغير خلقة ربنا

·       انا خايف ومرعوب لو عملت العملية عيني تبوظ

·       الدكاترة قالوا لي مادام العين ضعيفة يبقى عملية الحول مش هتنجح

·       بيقولوا مادام وصلت 20 سنة يبقى خلاص مينفعش عمليه

·       أصل انا عملت عملية قبل كده وفشلت يبقى خلاص مفيش فايده

ما علينا .. نرجع لحالة كرم  .. بعد ما شفت الصوره دار بينا الحوار القصير المحدد التالي :

·       ازي حضرتك يا دكتور جمال .. انا كرم طالب من قنا

·       تحت امرك يا كرم

·       انا عندي حول وحشي جامد أوي في عيني زي ما حضرتك شايف في الصوره .. الحول مخلي شكلي وحش قوي ..انا مش بأقدر أبص في وش زمايلي وهما بيكلموني

·       من إمتى الحول ده ؟

·        من صغري .. انا عملت عملية قبل كده من 6 سنين بس الحول رجع تاني .. انا كشفت كتير والدكاتره قالوا لي ان عيني الحوله نظرها ضعيف جداً.. وعشان كده كل أما تعمل عملية هتفشل

·       لأ طبعاً .. الكلام ده مش صح .. هتعمل العملية وهتنجح ان شاء الله

·       طيب نسبة نجاح العملية كام في المية ؟

·       100 %

·       طيب ممكن ترجع بنسبة كام في المية ؟

·       10 %

·       طيب واذا رجعت بترجع امتى

·       بعد خمس سنين تقريباً

·       طيب واذا انا كنت من ال 10% دول والحول رجع تاني ؟

·       تعمل عملية تاني وتعدلها تاني

·       بالبساطه دي

·       اه والله بالبساطة دي .. فيها ايه يعني لو عملت عمليه تاني .. هيحصل ايه ..  مش أحسن ماتسيب نفسك كده ..

المهم .. كرم جه من الصعيد وعملت له العمليه وسافر بعد العمليه على طول .. قلت له يبعتلي صوره بعد شهر من العمليه لما العين تهدى والاحمرار يروح ..

النهارده فتحت الرسايل .. لقيت رساله من كرم .. فتحتها بسرعه .. كرم بعت صوره .. بسم الله ما شاء الله  .. الحمد لله رب العالمين .. نتيجة العملية حلوه أوي .. أوي

حمد الله على سلامتك يا ابني .. يستاهل الحمد والله .. وان شاء الله الحول ميرجعشي تاني ابداً

د. جمــال صبـــحي     

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders