اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 13



    
 

حالة هذا الاسبوع ( 115 ) محمود عيسى  24 سنة .. من قنا

" عملية الحول واستعادة الثقة "

أولاً شكراً يا محمود انك سمحت لي انزل صورتك على صفحتي

محمود شاب صعيدي عنده 24 سنة وعينه اليمين ضعيفة جداً من زمان ... عشان كدة حصلها حول وحشي ... صحيح العين كسلانة جداً وصعب ان نظرها يتحسن ... لكن ليه يسيب نفسه بالشكل ده .. ليه يعيش احلى ايام حياته مش واثق من نفسه .. لما محمود جه لي العيادة  قلتله طبعاً عملية الحول هتغير شكلك خالص يا ابني  .. اوعي تصدق ان العملية مش هتنجح عشان العين ضعيفة .. او ان الحول لازم هيرجع تاني .. ده اعتقاد خاطئ عند كتير من المرضى وللأسف عند كتير من الدكاتره ..

صحيح الحول ممكن يرجع .. لكن نسبة رجوعه قليلة جداً متزيدش عن 10% من المرضى .. مش معقول نسيب 100 مريض عايشين بالحول الفظيع ده عشان خايفين ان 10 منهم ممكن يرجع لهم الحول ... ايه المنطق الغريب ده .. طيب وايه يعني .. مايرجع .. ماهو لما يرجع هنعمله عمليه برضه والعين تتعدل تاني ...

محمود كان شجاع ووافق فوراً يعمل العمليه .. الحمد لله عمليته هايله .. شكله بقى جميل جداً .. حاجه تانيه خالص .. ابتسامته في الصورة التانيه وهو متصور معايا بتبين قد ايه هو فرحان بشكله الجديد الجميل ... واضح ثقته بنفسه .. الحول ده فعلاً مرض سخيف جداً

حمد الله على سلامتك يا محمود .. وشكراً كمان مرة انك وافقت انزل صورتك على صفحتي  في حالة هذا الاسبوع ..

  د. جمــال صبـــحي     

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders