اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 14


 

حالة هذا الأسبوع ( 130 ) :  محمود احمد حسين .. 10 سنوات .. من المنيا

الحول الوحشي والعين الكسلانه

أكتر حاجه بنخاف منها لما طفل يتولد عنده حول واهله – كعادتنا الغلط – قال ايه يخافوا عليه ويسيبوه لحد اما يكبر وبعد كده يروحوا للدكتور .. العين الحوله ياجماعه لو متعدلتش بدري نظرها بيضعف جداً .. ده اسمه " كسل وظيفي " ..

من اسبوعين كده جالي العياده الولد الصعيدي العسل ده  ..  محمود رايح خامسة ابتدائي .. كان معاها باباه

·      اهلا وسهلا .. خير ياعم احمد

  •      محمود ابني يا دكتور جمال عنده حول وحشي في العين الشمال .. هو اتولد كده .. احنا قلنا نستنى لما يكبر كده وبعدين نشوف حل في موضوع الحول ده

  • ·الحول بيبدل يا حاج ؟ .. يعني ساعات الشمال تحول وساعات اليمين ؟ ولا دايما الشمال هي اللي حوله ؟

  • ·  لا يا دكتور .. اليمين مش بتحول ابداَ .. الشمال هي اللي حوله على طول

المهم .. كشفت على محمود .. العين اليمين ستة على ستة .. العين الشمال الحوله لقيت نظرها ضعيف ..  6 على 24 ..

·      عين محمود بقت كسلانه يا عم احمد

·      يعني ايه يا دكتور جمال ؟

العين لما تقعد حوله 10 سنين ياجماعه من غير مانعدلها .. بتحصل مشكلة كبيره قوي .. احنا بنعتبر المشكله دي أهم من الحول نفسه .. المشكله دي اسمها الكسل الوظيفي .. زي اللي حصل مع محمود كده .. من 10 سنين وهو بيبص قدامه بالعين اليمين بس .. والعين الشمال بتكون باصه في حته تانيه خالص .. المخ بتاعنا مينفعش يشوف صورتين .. بيتلخبط .. تفتكروا يعمل ايه مع محمود ؟ .. المخ مايلاقيش حل غير انه يبص لصورة العين اليمين بس ويريح نفسه .. وصورة العين الشمال الحوله اللي ملخبطاه يطنشها خالص .. كأنها مش موجوده .. تخيلوا ياجماعة 10 سنين والعين الشمال صورتها مش بتوصل للمخ .. طبعاً نظرها بيضعف جداً .. ده اللي حصل بالظبط مع محمود

  • ·      طيب والحل يادكتور جمال ؟

  • ·      والله يافندم احنا معندناش أي مشكله مع الحول .. أي حول ممكن يتعدل بالعمليه ان شاء الله .. ده مش مشكله خالص .. المشكله الصعبه عندنا دلوقتي في العين الضعيفه الكسلانه دي .. ازاي هنقدر ننشطها  ونحسن النظر فيها .. التنشيط بيجيب نتايج كويسه عند اللي اصغر من 9 سنين .. بعد السن ده بنحاول ننشط برضه .. بس ساعات النظر يتحسن وساعات لأ .. ربنا يسهل

  • ·      طيب ولو النظر ماتحسنش ؟·      خلاص يافندم .. الأمر لله .. يبقى هنعمل عملية الحول .. الشكل هيتحسن لكن النظر لأ .. لكن كان الأفضل ان احنا كنا شفنا محمود من زمان قبل الكسل ده ميحصل .. كان ساعتها نقدر نحسن النظر ونحسن الشكل

  • ·    طيب يا دكتور جمال ؟ ننشط العين الكسلانة الأول ولا نعمل عمليه الحول الأول ؟

  • ·  والله يافندم في الاطفال الصغيرين اللي التنشيط بيجيب نتيجه سريعه معاهم بحب ابدأ الأول بالتنشيط .. شهرين تلاتة بالكتير العين الحوله نظرها بيتحسن وبعدين باعمل العمليه .. انما في الكبار اللي التنشيط بياخد وقت طويل قوي بحب ابدأ بالعمليه .. نعدل الحول .. وبعدين نحاول نحسن النظر

المهم عملت العملية لمحمود من اسبوعين .. العين اتعدلت الحمد لله .. هنبدأ التنشيط الاسبوع الجاي ان شاء الله ..

حمد الله على سلامتك يا ابني وربنا يكملك على خير

  د. جمــال صبـــحي     

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders