اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 16



    
 

حالة هذا الأسبوع ( 160 ) درويش .. 31 سنه من المنيا  

" الحول الوحشي للعين الضعيفة "

درويش عنده 31 سنة .. من فترة طويله عينه اليمين نظرها ضعيف أوي .. هو دلوقتي تقريباً بيشوف بالعين الشمال بس .. عشان كده حصل حول وحشي في العين اليمين يعني حدفت لبره ... صحيح الدكاتره أجمعوا ان مستحيل العين دي نظرها يتحسن بعد الكسل الشديد لفترة طويلة ... لكن ليه نسيب درويش عايش بالشكل ده .. لما درويش جه لي العياده  قلت له طبعاً عملية الحول هتغير شكلك خالص يا درويش  .. لكن النظر مش هيتحسن .. عملية حول للتجميل بس مش لتحسين النظر ..  اياك تصدق يا درويش ان العملية مش هتنجح عشان العين مش بتشوف .. او ان الحول لازم هيرجع تاني .. ده اعتقاد خاطئ عند كتير من المرضى

صحيح الحول فيه احتمال انه يرجع .. لكن نسبة رجوعه قليله متزيدش عن 10% من المرضى .. مش معقول نسيب 100 مريض عايشين بالحول ده عشان خايفين ان 10 منهم بس ممكن يرجع لهم الحول ... ايه المنطق الغريب ده .. طيب وايه يعني .. مايرجع .. ماهو لما يرجع حنعمل عمليه تاني والعين هتتعدل برضه ... مش أحسن ما نعيش بالمنظر ده

درويش كان شجاع ووافق يعمل العمليه .. الحمد لله عمليته هايله .. دي صورته بعد العمليه بشهرين .. شكله بقى جميل جداً .. حاجه تانيه خالص .. مش قادر اوصف لكم  أد ايه هو فرحان بشكله الجديد الجميل ...

بذمتكم أيهما أفضل .. أعيش طول عمري عايش بالحول ده أحسن خايف ان الحول ممكن بعد كام سنه يرجع لي تاني .. أروح الجامعه بالمنظر ده وأشتغل بالمنظر ده وأتجوز بالمنظر ده وولادي يشوفوني بالمنظر ده .. ولا أتوكل على الله وأعمل العمليه وأغير شكلي واستعيد ثقتي بنفسي وأعيش بشكل طبيعي زي كل الناس .. 

حمد الله على سلامتك يااستاذ .. والف مبروك

  د. جمــال صبـــحي     




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders