اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 17



    
 

حالة هذا الأسبوع ( 168 ) جاد .. 27 سنه من البحيرة  

" الحول الوحشي للعين الضعيفة "

جاد عنده 27 سنة .. من فترة طويله عينه اليمين اتعرضت لإصابه  شديده .. عمل بعدها زرع عدسه وعملية جسم زجاجي وانفصال شبكي .. تعب أوي ياعيني ..  لكن للأسف العين فقدت الرؤية تقريباً .. هو دلوقتي بيشوف بالعين الشمال بس .. عشان كده حصل حول وحشي في العين اليمين يعني حدفت لبره ... صحيح الدكاتره أجمعوا ان مستحيل العين اليمين نظرها يتحسن ... لكن ليه نسيب جاد عايش بالشكل ده .. لما جاد جه لي العياده  قلت له طبعاً عملية الحول هتغير شكلك خالص يا جاد  .. لكن النظر مش هيتحسن .. عملية حول للتجميل بس مش لتحسين النظر ..  اياك تصدق يا جاد ان العملية مش هتنجح عشان العين مش بتشوف .. او ان الحول لازم هيرجع تاني .. ده اعتقاد خاطئ عند كتير من المرضى ..

صحيح الحول فيه احتمال انه يرجع .. لكن نسبة رجوعه قليله متزيدش عن 10% من المرضى .. مش معقول نسيب 100 مريض عايشين بالحول الفظيع ده عشان خايفين ان 10 منهم ممكن يرجع لهم الحول ... ايه المنطق الغريب ده .. طيب وايه يعني .. مايرجع .. ماهو لما يرجع حنعمل عمليه تاني والعين هتتعدل ... مش أحسن ما نعيش بالمنظر ده

جاد كان شجاع ووافق يعمل العمليه .. الحمد لله عمليته هايله .. دي صورته بعد العمليه بيومين .. شكله بقى جميل جداً .. حاجه تانيه خالص .. ولسه لما الاحمرار ده يروح كمان اسبوعين كده .. الدنيا هتبقى احسن بكتير .. مش قادر اوصف لكم  أد ايه هو فرحان بشكله الجديد الجميل ...

بذمتكم أيهم أفضل .. أعيش طول عمري عايش بالمنظر ده أحسن خايف ان الحول ممكن بعد كام سنه يرجع لي تاني .. أشتغل بالمنظر ده وأتجوز بالمنظر ده وولادي يشوفوني بالمنظر ده .. ولا أتوكل على الله وأعمل العمليه وأغير شكلي واستعيد ثقتي بنفسي وأعيش بشكل طبيعي زي كل الناس .. 

حمد الله على سلامتك يا جاد والف مبروك

  د. جمــال صبـــحي     

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders