اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 2


    
 

 

حالة هذا الأسبوع : هبة خميس... من الهرم

الحول الوحشي للعين الضعيفة

هبة البنتوتة العسولة دي جاتلي العيادة وقالتلي : " انا حالتي بالظبط شبه حالة مدام نيفين بتاعة طنطا اللي انت عرضت صورتها في حالة هذا الاسبوع ... من فضلك يا دكتور جمال انا عايزة عيني تتعدل زي ما عدلت عين نيفين " .. دوغري كده

البنت رغم الحول لاحظت انها مرحة وحبوبة جداً وقالتلي بعد العملية لازم تنزل صوري في " حالة هذا الاسبوع " ..  لازم كل البنات اللي عندهم حول ياخدوا قرار شجاع زيي كدة .. لازم يعملوا العملية ويعيشوا حياتهم زي بقية البنات ..

هبة عينها اليمين ضعيفة جداً من زمان ... عشان كدة حصلها حول وحشي في العين دي ... صحيح العين صعب ان نظرها يتحسن ... لكن ليه تعيش كدة .. انا بصراحة اتعاطفت مع هبة .. اعجبت جداً بشجاعتها وروحها الايجابية الجميلة

عملت لهبة العملية الاسبوع ده .. الحمد لله عمليتها هايلة .. شكلها بقى جميل جداً ..البنت طلعت امورة بس شكلها ما كانش باين ...  ابتسامتها في الصورة بتبين قد ايه هي فرحانة بشكلها الجديد الجميل ...

هبة جت لي النهاردة تشكرني على العملية .. تصوروا انا اكتشفت ان هبة فنانة موهوبة .. ومحترفة كمان .. بترسم لوحات رائعة بالخرز.. جابت لي هدية .. لوحة رائعة مكتوب عليها آية قرأنية 

شكراً يا بوبة وحمد الله على سلامتك .. وشكراً كمان مرة انك طلبتي انزل صورتك على صفحتي  في حالة هذا الاسبوع ..

د. جمــال صبـــحي

 

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders