اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 21



    
 

 

حالة هذا الأسبوع ( 191 ) احمد الغنام .. 32 سنة .. ترزي شاطر أوي .. من الفيوم

" الحول الوحشي للعين الضعيفة "

مش انا اللي كاتب قصة النهارده .. اللي كاتب الكلام ده احمد الغنام نفسه .. بعد العملية احمد اخد صورة سيلفي قدام المرايا في المحل بتاعه وبعت لي الصورة الجميله دي ومعاها الكلام الرقيق اللي جاي ده .. وطلب مني  انزله على صفحتي بدون أي تغيير .. طبعاً بعد العملية الشكل والنفسية احمد بقى حاجه تانيه خالص .. وصور سيلفي وكده .. أكيد واخدين بالكم    

دي قصة احمد زي ما كتبها بنفسه بدون اي تعديل :

" انا كنت طفل عادي جدا بس للاسف حصلي حادثة وانا عندي 13 سنة وعملت فصل في شبكيه العين الشمال .. والعادي بتاع كل المصريين الاهمال .. ده ادي معايا لضعف شديد في نظر العين دي وحول جامد .. عيني اليمين نظرها عادي الحمد لله .. اشتغلت ترزي وعملت شهره كبيره جدا في بلدنا .. بس كنت باتعرض لاحراج كبير جداً لما باكلم زبون .. كان بيفتكرني باكلم زبون تاني .. بس اقوي شئ كان مضايقني جدا جدا عيالي .. عيالي في مدارس خاصه ودايماً كان عندهم حفلات في المدرسة .. كنت باتحرج جدا اتصور معاهم زي باقي الاباء .. دي اكتر حاجه كانت مأثرة عليا في موضوع الحول
لحد ما جه يوم لقيت بنتي الصغيره بتسألني انت ي
ابابا عينك دي بتبص غير دي ليه .. اليوم ده لا يمكن انساه .. اليوم ده معرفتش انام .. قلت لنفسي لا يمكن اكمل كده .. لازم اشوف حل .. فقررت اعمل العمليه ..
لفيت على الدكاترة وسألت كل الناس .. كان تقريباً فيه اجماع على اسم الدكتور جمال صبحي .. دخلت على النت أدور لحد ماربنا كرمني بصفحة الدكتور جمال  - مركز علاج الحول - لقيته فعلاً دكتور متميز جدا في التخصص ده .. ممارس للعمليات بشكل كبير جدا شبه يومي .. موضوع الخبرة ده كانت اكتر حاجة  فارقه معايا جداً .. لحد في يوم رحت له العيادة .. مش قادر اوصف لكم الدكتور جمال ده عامل ازاي .. أد ايه هو فاهم عيانين الحول ونفسيتهم وازاي هما عايشين مضايقين من الموضوع ده .. اكتر حاجه خدت بالي منها ازاي هو فاهمنا كده .. كأنه بيقرا اللي جوانا ..  حدد لي ميعاد العملية .. رحت المستشفى الصبح .. بعد ساعة بالظبط كنت عملت العملية خلاص وخارج من المستشفى ومروح .. الموضوع طلع اسهل بكتير من اللي كنت متصوره ..  بليل الساعه 8 شلت الغطا من على عيني .. الحمد لله فرق كبير جدا جدا جدا ..  
شكرا دكتور جمال .. ربنا يخليك ويزيدك من علمه "

احمد الغنام

انا اللي اشكرك يا احمد على كل كلامك الجميل وربنا يوفقك يا ابني ويخليك لولادك

د. جمال صبحي



الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders