اتصل بي اسئلة شائعة استشارات مجانية حالة هذا الأسبوع انواع الحول معلومات تهمك الصفحة الرئيسية


الحول الوحشي للعين الضعيفة 23


 

حالة هذا الأسبوع ( 196 ) ياسر بسيوني .. 37 سنة .. من شبين الكوم

مطلوب من كل قراء صفحتي الاشتراك في التصويت ده

انا عملت عملية الحول لياسر من شهرين تقريباً .. هو مش راضي أبداً عن النتيجة دي .. أنا راضي جداً عن العملية وقلت له والله العظيم عمليتك ممتازة .. هو مش مقتنع بالمرة .. كل يوم بدون مبالغة افتح رسايل الصفحة ألاقي ياسر مصور نفسه ييجي 10 صور وبيقول لي لازم تشوف حل يا دكتور جمال العملية مش حلوة .. وأنا أرد عليه وأقول له والله عمليتك ممتازة والحول اتعدل وشكلك بقى طبيعي خالص .. بس مفيش فايدة .. ياسر مصر ان عمليته وحشة جداً وان لسه عنده حول وكل الناس واخده بالها .. وأنا مصر ان عمليته حلوه جداً وان الحول اتعدل خلاص  

أخيراً انا وياسر وصلنا لحل الخلاف ده .. الحل اننا ننزل صورته قبل العملية وصورته بعد العملية ونعمل تصويت على رأي الناس في شكله دلوقتي بعد العملية .. لو الناس قالوا له ان شكله دلوقتي طبيعي ومعندوش حول أكيد ده هيساعده انه يخرج من المحنة دي اللي كتير من عيانين الحول بيفضلوا عايشينها حتى بعد ما بيعملوا العملية وعينيهم تتعدل

ياسر وافق بس بشرط .. ان صورته بعد العملية هو اللي يصورها ويبعتها .. وانا طبعاً وافقت ونزلت الصورتين قدامكم صورة قبل وصورة بعد اللي ياسر بعتها

سؤال باختصار " إيه رأيكم يا جماعة في العملية دي ؟ "

علم على الإجابة اللي اخترتها

ياسر شكله بقى طبيعي

ياسر لسه عنده حول

 




الموقع المصري للحول وامراض الجهاز الحركي للعين

The Egyptian Site of Strabismus & Oculomotor Disorders