|
حالة هذا الأسبوع ( 214 ) خالد محمد جمال .. 5 سنين ..
من الأقصر
"
حول طول النظر
"
( خالد عنده
طول نظر يا دكتور جمال وعمل نضارة .. بس وهو لابس النضارة برضه
فيه حول .. ايه الحل ؟ )
السؤال ده
ياجماعة كل يوم افتح رسايل الصفحة لازم ألاقيه
طيب .. هو ايه
الموضوع ؟
كتير من الاطفال اللي عندهم طول نظر عينيهم تحول لجوه
.. زي " خالد " كده .. عشان كده بنسميه حول طول النظر
كتير منهم لما يلبسوا النضارة الحول بيتعدل .. دول
علاجهم النضارة مش علاجهم العملية
بس مش كلهم كده .. بعضهم نعمل لهم نضارة ونلاقي الحول
لسه موجود .. بنعرف ساعتها ان النضارة لوحدها مش بتعدل الحول
.. الولاد دول بيحتاجوا عملية .. بس لازم بعد العملية يلبسوا
النضارة برضه عشان طول النظر اللي عندهم ممكن يعمل لهم حول
تاني
خالد كان كده .. لقيت عنده طول نظر .. لبس النضارة
فترة بس الحول كان موجود وهو لابس النضارة .. دي صورته بعد
العملية .. مفيش حول خلاص .. بس خدوا بالكم .. خالد لازم يلبس
النضارة عشان عينه تفضل حلوة كده وميرجعش الحول تاني
ألف حمد الله على سلامتك يا ابني وألف مبروك نجاح
عمليتك
د. جمــال صبحــي
|
.jpg)
