|
حالة
هذا الأسبوع ( 227 )
ساجد احمد سعد .. سنة .. من
بورسعيد
"
ابني عنده طول نظر وعمل نضارة .. بس وهو لابس النضارة برضه فيه
حول .. ايه الحل ؟
"
السؤال ده ياجماعة كل
يوم افتح رسايل الصفحة لازم ألاقيه
طيب .. هو ايه
الموضوع ؟
"
حول طول النظر
"
كتير من الاطفال اللي عندهم طول نظر عينيهم تحول لجوه
.. زي " ساجد " كده .. عشان كده بنسميه حول طول النظر
معظم الولاد دول لما يلبسوا النضارة الحول بيتعدل ..
دول علاجهم النضارة مش علاجهم العملية
بس مش كلهم كده .. بعضهم يلبسوا النضارة والحول يفضل
موجود حتى وهما لابسينها .. بنعرف ساعتها ان النضارة لوحدها مش
بتعدل الحول .. الولاد دول بيحتاجوا عملية عشان الحول يتعدل ..
بس لازم بعد العملية يلبسوا النضارة برضه عشان طول النظر اللي
عندهم ممكن يعمل لهم حول تاني
ساجد كان كده .. لقيت عنده طول نظر .. لبس النضارة
فترة بس الحول فضل موجود حتى وهو لابس النضارة .. دي صورته بعد
العملية .. مفيش حول خلاص .. بس خدوا بالكم .. ساجد لازم يلبس
النضارة شوية بعد العملية عشان عينه تفضل كده وميرجعش الحول
تاني
ألف حمد الله على سلامتك يا ساجد وألف مبروك
د. جمــال صبحــي
|
.jpg)
