|
حالة هذا الأسبوع ( 87 ) رقية .. سنتين .. من شبرا
" روءة " لبست النضارة يا دكتور جمال والحول لسه
زي ما هو .. ايه الحل ؟
السؤال ده ياجماعة كل يوم افتح رسايل الصفحة لازم
ألاقيه على الأقل ييجي 10 مرات كده في اليوم
طيب .. هو ايه الموضوع ؟
كتير من الاطفال اللي عندهم طول نظر بيحصل لهم
الحول ده .. عينيهم تحول لجوه زي " روءة " كده ... عشان
كده بنسميه حول طول النظر .. يعني لو عالجنا طول النظر
الحول يتعدل لوحده .. وكتير بنلاقي الحول يتعدل فوراً لما
يلبسوا النضارة ..
بس مش كل الاطفال دول بيحصل معاهم كده .. بعضهم
نعمل لهم نضارة وبعدين نلاقي الحول زي ماهو .. زي " روءة "
كده .. مفيش أي تحسن .. بنعرف ساعتها ان مش طول النظر هو
اللي عملهم حول .. وبنعرف برضه ان النضارة مش ممكن تعدل
لهم الحول .. الولاد دول بيحتاجوا عملية .. طبعاً الحول
بيخف تماماً بالعملية .. وبالنسبة لطول النظر اللي عندهم
عادة بيخف لوحده مع الوقت .. ومعظمهم على سن 12 سنة كده
نلاقي طول النظر اختفى هو كمان ويبطلوا يلبسوا النضارة.
د. جمــال صبحــي
|
.jpg)
