حالة هذا الأسبوع ( 221 )  منى عبد العزيز .. من القاهرة

ده نص الكلام اللي كتبته منى على صفحتي بعد العملية بدون أي تغيير :

( انا عايزة اقول كلمة حق ومش باخاف من أي شيء في حياتي غير من المولى عز وجل .. وسأقول شهادة حق سوف احاسب عليها يوم الدين في حق الدكتور جمال صبحي اللي ذهبت له ونفسيتي مدمرة بسبب الحول .. لكن بفضل ارادة الله أولاً ثم ايديه اتفتح لي باب أمل في نفسي ولأول مرة في حياتي اشعر بسعادة محستش بيها أبداً قبل كده .. والحمد لله رب العالمين .. عملت عنده العملية .. ونجحت نجاح لم أكن أتوقعه .. ولن أنسى أبداً يوم ما دخلت غرفة العمليات وكان يحنو عليا ويطمني كأني ابنته .. حسيت ساعتها بقلب أب مش دكتور هيعمل لي عملية الحول .. ودلوقتي شهادة حق عايزة أقولها أمام الله وأمام الجميع .. محدش يخاف من اجراء العملية دي مع ذلك الأب والدكتور جمال
على فكرة نوع حولي كان حول وحشي شديد جداً وكان تبادلي بالعينين وكنت عارفة ان وضعي صعب وعمليتي مش سهلة .. لكن دكتور جمال لم يحسسني بكده خالص .. الحمد والشكر لله رب العالمين على نعمته )