|
حالة هذا
الأسبوع (356 )
مروة
إبراهيم مرسي .. 39 سنة.. من توشكى .. جنوب أسوان
" الحول الوحشي التبادلي "
من أسبوع
كده .. مروة السكر البشوشه الضحوكه دي جت لي العياده ..
مروة جايه يا جماعة من مكان بعيد جداً جداً جداً .. من
أقصى جنوب مصر .. من توشكى .. بعد أسوان بكتير أوي
مروة
فاجئتني بأنها متابعه صفحة الفيس بتاعتي – مركز علاج الحول
- وبتقرأ كل اللي بينزل عليها .. تقريباً حافظه حالات هذا
الأسبوع كلها .. عارفه كل حالات الحول اللي نزلتها ..
وقالت لي بمنتهى الثقة " أنا يادكتور جمال عندي حول وحشي
تبادلي موحشني خالص ونفسي أعمل العمليه وأبقى حلوه زي
الحالات إللي بتنزل صورهم "
عملت
العملية لمروة تاني يوم .. وجت لي النهارده بعد اسبوع ..
لسه طبعاً عينيها حمرا .. بس بسم الله ما شاء الله عمليتها
حلوه جداً .. شكلها فرق فعلاً .. الحمد لله رب العالمين ..
حمد الله على سلامتك يامروة وتوصلي توشكى بألف ألف سلامة
|
.jpg)
