حالة هذا الأسبوع ( 361 )

اسماء طه .. 24 سنة .. من المنيا

" الحول الوحشي التبادلي "

أولاً الف شكر يا اسماء على شجاعتك انك وافقتي انزل صورك على صفحتي

نتايج عمليات الحول الوحشي التبادلي يا جماعة لازم تشوفوها كلكم .. انا نفسي كل شاب وشابه في عمر اسماء عندهم نفس الحول ده يراجعوا نفسهم تاني .. ليه راضين بالوضع ده ؟ .. انا فعلاً باستغرب جداً لما يخش عيادتي شاب أو شابه في عمر اسماء كده وعايشه بالحول ده

المهم .. تاني يوم عملت العمليه لاسماء .. رجعت المنيا بعد العمليه بساعه ..  وفضلت معايا على الواتس يوم بيوم .. عيني حمرا .. بتدمع .. وارمه شويه .. بتحرقني .. والشكاوى العاديه دي اللي كلكم حفظتوها وكل المرضى بيشتكوها بعد العمليه وانا اتعودت عليها خلاص

اسماء جاتني النهارده .. فات على عمليتها اسبوعين .. بس ايه .. البنت يا جماعه طلعت كيوت جداً .. شكلها بعد العمليه .. حاجه غير خالص .. هي نفسها بتقول " انا مش مصدقه شكلي .. أخيراً بعد    24 سنة .. ربنا يخليك يا دكتور جمال .. اخيراً بقى عندي الجرأة اني ابص في عينين اللي بيكلمني من غير كسوف .. انا حاسه يا دكتور اني انا بقيت انسانه تانيه "