حالة هذا الأسبوع ( 413 )

طه ابو الحجاج .. 24 سنة .. من قنا

" الحول الوحشي التبادلي "

أولاً الف شكر يا طه انك وافقت انزل صورك على صفحتي

نتايج عمليات الحول الوحشي التبادلي يا جماعة لازم تشوفوها كلكم .. انا نفسي كل شاب وشابه في عمر طه عندهم نفس الحول ده يراجعوا نفسهم تاني .. ليه راضين بالوضع ده ؟ .. انا فعلاً باستغرب جداً لما يخش عيادتي شاب أو شابه في عمر طه كده وعايش بالحول ده

المهم .. تاني يوم عملت العمليه لطه .. رجع قنا بعد العمليه على طول ..  وفضل معايا على الواتس يوم بيوم .. عيني حمرا .. بتدمع .. وارمه شويه .. بتحرقني .. والشكاوى العاديه دي اللي كلكم حفظتوها وكل المرضى بيشتكوها بعد العمليه وانا اتعودت عليها خلاص

طه جاني النهارده .. فات على عمليته 3 اسابيع .. بس ايه .. الولد يا جماعه طلع كيوت جداً .. شكله بعد العمليه .. حاجه تانية خالص .. هو نفسه بيقول " انا مش مصدق شكلي .. أخيراً بعد    24 سنة .. ربنا يخليك يا دكتور جمال .. اخيراً بقى عندي الجرأة اني ابص في عينين اللي بيكلمني من غير كسوف .. اخيراً بانزل الصبح اروح الشركة وكلي تفاؤل وثقة .. انا حاسس يا دكتور جمال اني انا بقيت انسان تاني "

حمد الله على سلامتك يا ابني ... عمليتك حلوة فعلاً .. وشكراً تاني مرة انك وافقت انزل صورك على صفحتي