|
حالة هذا الأسبوع ( 202 ) : خادم باقي .. 21 سنة
.. من السنغال
" الحول المركب الوحشي العلوي "
أصعب انواع الحول هو الحول المركب .. مركب يعني
حول أفقي ورأسي مع بعض .. زي خادم كده .. عنده حول مركب ..
عينه الشمال حادفه لبره ولفوق في نفس الوقت .. عشان كده
تحس ان عنده عين أوسع شويه من العين التانيه .. العيانين
دول ساعات بيحتاجوا عمليتين عشان الحول ده يتعدل .. عملية
للحول الأفقي وبعدين عملية للحول الرأسي .. وبعضهم الحول
يتعدل أفقياً ورأسياً من عمليه واحده .. طبعاً في الحالات
دي بنشتغل على العضلات الأفقيه والرأسيه
خادم شاب سنغالي مؤدب جداً بيدرس في جامعة الأزهر
.. من شهر كده جالي العياده مع واحد سنغالي زميله في
الكلية .. خادم بيشتكي من نوع الحول ده .. الحول المركب ..
عايز يعمل عمليه ويبقى شكله طبيعي ..
ممكن يا دكتور جمال ؟
واجابتي المشهوره :
طبعاً ممكن ان شاء الله
المهم .. عملت العمليه لخادم .. عملت الحول الأفقي
والرأسي مع بعض .. العيانين دول بأبقى قلقان عليهم جداً
ونفسي اشوفهم بعد العمليه عاملين ايه
أخيراً خادم جالي بعد العملية بأسبوعين .. دخل
عندي العياده بوشه البشوش وضحكته الجميله .. وعينين ايه ..
بسم الله ما شاء الله .. عمليه حلوه فعلاً .. العين اتعدلت
تماماً في كل الاتجاهات .. الحمد لله رب العالمين .. وشكله
اتغير فعلاً
حمد الله على سلامتك يا ابني .. وربنا يوفقك
د. جمــال صبـــحي
|
.jpg)
