حالة هذا الأسبوع ( 347 )

كنان .. 6 سنين .. من القاهرة

" الحول الأنسي الخلقي عند الأطفال "

بعد 5 سنين من العمليه جاني النهارده في العياده السكر ده .. أنا مكنتش مصدق .. معقوله ده كنان اللي أنا عملت له العمليه وهو لسه بيبي .. ده كبر خالص .. بسم الله ما شاء الله .. شكله زي القمر وعينيه زي الفل .. حاجه تفرح بجد .. فعلاً قرار العمليه كان قرار صح .. وتوقيتها كمان كان توقيت صح .. ودايماً باقول للأمهات كل مانعمل العملية بدري كل ما كان أحسن عشان العين الحوله ماتضعفش أو تكسل

أنا منزل النهارده حالة كنان عشان أوصل رسالة مهمة رسالة لكل الأمهات اللي بتخاف تعمل عملية الحول لولادها في السن دي .. عايز بأقول لهم ماتخافوش .. مفيش أي مشكله خالص ان ابنك يعملها وهو لسه بيبي .. ده أحسن له بكتير .. العين هتتعدل وهتأدي وظيفتها الطبيعية وهي لسه في فترة النمو المهمة دي  .. وابنك هيكبر زي أي طفل طبيعي معندوش حول ولا حاجه .. زي كنان كده .. قدامكم أهو .. أكبر دليل على صحة كلامي

نورتنا يا حبيبي وأهلاً وسهلاً بيك