حالة هذا
الأسبوع ( 405 )
عمر .. سنتين
.. من بني سويف
" الحول
الأنسي الخلقي عند الأطفال "
الحول ده هو
اشهر أنواع الحول .. ودايماً بأقول للأمهات لما البيبي
بتاعك يظهر عنده حول أنسي – يعني عينه تخش لجوه كده – لازم
نفكر إنه النوع ده من الحول صحيح الحول ده شبه أنواع تانيه
كتير لكن بفحص البيبي بنقدر نفرق بين الحول الأنسي الخلقي
والأنواع التانيه
والحول ده
ملوش علاج إلا العملية .. كتير من الامهات يقولوا لي
مانستنى شويه لما يكبر يمكن الحول يتعدل لوحده
يا جماعة
الحول الأنسي الخلقي مش بيتعدل لوحده أبداً .. مهما
استنيتوا هتعملوا العملية برضه .. وكل مانعملها بدري كل ما
كان احسن عشان العين الحوله ماتضعفش او تكسل .. وصدقوني
نتايج العمليات عند الاطفال دول ممتازة .. وغالباً بنحتاج
عملية واحدة عشان نعدل الحول .. وده اللي حصل مع عمر في
حالة النهارده .. وبعد العملية بقى قمر بجد ومش هيحتاج في
المستقبل أي حاجة تانية ان شاء الله
.jpg)
