حالة هذا الأسبوع ( 435 )

يوسف علاء .. 4 سنين .. من أسيوط

" الحول الأنسي للأطفال "

الحول ده هو اشهر أنواع الحول عند الأطفال .. ودايماً بأقول للأمهات لما ابنك يظهر عنده حول أنسي – يعني عينه تخش لجوه كده – لازم نفكر إن عنده النوع ده من الحول .. صحيح الحول ده شبه أنواع تانيه كتير لكن بفحص الطفل بنقدر نفرق بين الحول الأنسي ده وأنواع الحول التانيه  

والحول ده ملوش علاج إلا العملية .. كتير من الامهات يقولوا لي مانستنى شويه يمكن الحول يتعدل لوحده

يا جماعة الحول الأنسي ده مش بيتعدل لوحده أبداً .. مهما استنيتوا هتعملوا العملية برضه .. وكل مانعملها بدري كل ما كان احسن عشان العين الحوله ماتضعفش او تكسل .. وصدقوني نتايج العمليات دي بتكون ممتازة .. وده اللي حصل مع يوسف ده في حالة النهارده .. ضحكته الجميلة دي أكبر دليل على كده