حالة هذا الأسبوع ( 468 )

تالية حسين 14 شهر

الحول الانسي الخلقي

الحول ده هو اشهر انواع الحول عند البيبيهات .. يعني تقريباً نص البيبيهات إللي عندهم حول بنلاقي عندهم حول انسي خلقي ..

دايماً بأقول للامهات لما البيبي يظهر عنده حول انسي – يعني عينه تخش لجوة باستمرار – في اول 6 شهور من عمره فاول احتمال تفكري فيه هو الحول الانسي الخلقي ...

والحول ده مالوش علاج إلا العملية .. كتير من الامهات يقولوا لي مانستنى شوية لما البيبي يكبر يمكن الحول يتعدل لوحده ... أو مانستنى شوية لما يبقى يكبر عشان يستحمل العملية ..

 يا جماعة الحول الانسي الخلقي مش بيتعدل لوحده أبداً .. مهما استنيتوا برضة حتعملوا العملية .. كل مانعملها بدري كل ما كان احسن عشان العين الحولة ماتضعفش او تكسل .. وصدقوني نتايج العمليات عند الاطفال دول ممتازة .. زي عملية تالية كده ...

حمد الله على سلامتك يا تالية...