حالة هذا الأسبوع ( 382 )
مالك حسين .. 3 سنين .. من
الأقصر
"
الحول
الوحشي عند الاطفال
"
مامة مالك .. بعتت لي على
الفيس الرسالة دي :
( السلام عليكم .. انا باكلم
حضرتك من الأقصر يا دكتور .. عايزه استشيرك في حالة ابني
.. انا بعت لك صورته .. مالك ابني يا دكتور جمال عنده
دلوقتي 3 سنين .. لما كان عنده سنة ونص كده لاحظنا ان عينه
اليمين بتحول لبره .. الدكاتره عندنا قالوا محتاج عمليه ..
انا شايفه انه صغير أوي على العمليه .. فيه ضرر لو استنينا
على العمليه ونعملها لما يكبر شويه )
طيب الكلام ده أحب أقوله لكل
الامهات اللي عندهم طفل زي مالك .. أول حاجه لازم نعرفها
ان الأطفال اللي عينيهم بتحدف لبره
كده .. اسم الحول ده حول وحشي .. وصح زي ما
الدكاترة عندكم قالوا .. الحول الوحشي ده علاجه عمليه ..
ملهوش علاج تاني .. ساعات
بعض الأمهات بيكتبوا على صفحتي ( ابني كان كده وعينه
اتعدلت لوحدها من غير عمليه ولا حاجه ) .. الكلام ده يا
جماعه مش صح وعمره ما حصل .. مفيش في الطب حاجه اسمها حول
وحشي في طفل عنده 3 سنين وعينه اتعدلت لوحدها
المهم .. الحول الوحشي عند
الاطفال - مش بنشوفه كتير - وساعات لما بنفحص الأطفال دول
بنلاقي عينهم الحوله دي نظرها ضعيف .. وعشان كده .. لما
العين ضعفت حولت لبره .. وبيكون هدفنا الرئيسي في الحالات
دي قبل ما نعمل عملية الحول اننا نعالج ضعف النظر ده
مالك
جه لي مع مامته من شهرين تقريباً .. كشفت على مالك لقيت
ولله الحمد .. قاع العين سليم والشبكيه سليمه والعصب
البصري سليم والمشكله مشكلة حول بس .. الحول اللي عنده
ناتج من ضعف في عضلات العين مش ضعف في النظر .. لازم نعمله
عمليه عشان نعدل الحول .. العين الحوله لو سبناها كده
هتضعف مع الوقت ويحصل لها كسل
عملت العمليه لمالك تاني يوم
الصبح .. بعد العمليه بساعه رجعوا الأقصر .. اتفقت مع
مامته انها تبعت لي كل اسبوعين صوره على الواتس عشان اشوف
اخباره ايه ..
دي صورة مالك بعد شهرين من
العمليه
بصراحة عمليته حلوه قوي ..
الحمد لله .. يستاهل الحمد .. الحول اختفى تماماً .. حمد
الله على سلامتك يا حبيبي والف الف مبروك