|
حالة هذا الأسبوع ( 223 ) : بسنت .. سنتين ونص ..
من الصعيد
" الحول الوحشي المعكوس "
من فترة فتحت رسايل الصفحة
ازيك يا دكتور جمال .. انا مامة بسنت .. حضرتك
عملت العملية لبنتي لما كان عندها 8 شهور .. كان عندها حول
انسي .. حضرتك نزلت صورها على صفحتك .. بسنت دلوقتي عندها
سنتين ونص
بسنت كانت كويسة خالص يا دكتور .. من 6 شهور
تقريباً بسنت رجع لها الحول تاني .. بس هي عندها دلوقتي
حول وحشي مش حول انسي .. عينيها حادفة لبره مش لجوه
( ده يا جماعة اسمه الحول الوحشي المعكوس .. نسبة
قليلة جداً من الأطفال اللي بيعملوا عملية الحول الانسي
عينيهم بتتعدل وبعد شوية بيحصل لهم الحول المعكوس ده
وبيحتاجوا يعملوا عملية تانية )
المهم من شهر كده عملت العملية لبسنت .. الحمد لله
عمليتها حلوة أوي وعينيها اتعدلت تاني وبقت زي القمر
الف حمد الله على سلامتك ياحبيبتي
|
.jpg)
