حالة هذا الأسبوع ( 258 )

" الحول الوحشي المعكوس "

-       ازيك يا دكتور جمال .... انا عملت عملية الحول لما كان عندي 10 سنين .. كان عندي حول انسي .. بعد العملية عيني اللي كان فيها حول أنسي بقى فيها حول وحشي .. بس بسيط جداً .. وعموماً شكلي كان أفضل بكتير ساعتها .. المهم الحول الوحشي ده فضل يزيد سنة بعد سنة .. دلوقتي انا عندي 22سنة .. والحول الوحشي دلوقتي زاد جداً وبقى مبوظ شكلي خالص ومأثر على نفسيتي

-       البنت دي يا جماعه عندها حول اسمه الحول الوحشي المعكوس .. نسبة قليلة من الناس اللي بيعملوا عملية الحول الانسي - يعني عينيهم حادفه لجوه - بيحصل لهم الحول المعكوس ده – يعني عينيهم تحدف لبره -  وعلاج الحول الوحشي المعكوس عملية تانية .. ملهوش علاج تاني

من اسبوع كده عملت لها العملية .. الحمد لله عمليتها حلوة أوي أوي .. وعينيها اتعدلت تماماً وبقت زي القمر

الف حمد الله على سلامتك يابنتي