|
حالة هذا الأسبوع ( 3 ) : أيمن ...
الحول الدوراني وإعوجاج الرقبة
على مدار السنين انا شفت كتير من الأطفال دول اللي
رقبتهم معووجة أمهاتهم راحوا بيهم لدكاترة العظام والعلاج
الطبيعي وقعدوا يعملوا ليهم تمارين للرقبة شهور وسنين عشان
رقبتهم تتعدل من غير فايدة ...لدرجة ان فيه حالتين متسجلين
عندي لطفلين عملوا عمليات في عضلات الرقبة عشان رقبتهم
تتعدل. أمهات الولاد دول بيستغربوا قوي لما دكتور العظام
يقوللهم : اكشفوا عند دكتور حول !!! .. ايه علاقة الحول
بالرقبة المعووجة !!!
يا جماعة أي أم تلاقي ابنها رقبته معووجة - خصوصاً
لما يعرف يقعد لوحده في الشهر السادس – لازم تشك في الحول
الدوراني ...
الحول الدوراني هو حول بتلف فيه العين حول نفسها
من غير ما تتحرك من مكانها افقيا أو رأسيا ... فالطفل يشوف
صورتين صورة مايلة
وصورة
معتدلة وعشان يشوف صورة واحدة يعوج رقبته ويميل براسه ..
زي أيمن كدة
د. جمــال صبـــحي
|
.jpg)
