حالة هذا الأسبوع ( 349 )

محمد شافعي .. 34 سنة .. من سوهاج

قبل ما اتكلم عن حالة الأسبوع ده .. لازم اشكر الشاب الصعيدي السكر ده انه وافق انزل صورته على صفحتي ..

لما محمد جاني بعد العملية ولقيته فرحان أوي بشكله الجديد الجميل ده .. طلبت منه انزل صورته هنا .. محمد قال لي حرفياً :

طبعاً نزلها يا دكتور جمال  .. لازم كل شاب في سني عنده حول يشوف صورتي .. شباب كتير عايشين بالحول ده ومش عارفين ان الحل موجود وبسيط والله .. انا لما شفت نفسي بعد العملية قلت ايه اللي انا كنت فيه ده .. ازاي كنت سايب نفسي كده .. ازاي استنيت لحد ما بقيت 34 سنة عايش بالشكل ده

الحمد لله .. ربنا يخليك .. وتسلم ايديك يا دكتور جمال

محمد هيسافر الكويت بعد أسبوع وراجع لشغله .. وقال لي أن زمايله هناك ميعرفوش انه عمل العملية وعايز يعملها لهم مفاجأة لما يسافر لهم

حبيبي .. ألف حمد الله على سلامتك واتمنى تزورني لما تيجي مصر في الأجازات