حالة هذا الأسبوع ( 362 )  

ابراهيم الإمام .. 25 سنة  .. من اسيوط

الحول الانسي للعين الضعيفة

اسمحولي انا هاتكلم النهارده بصراحة شوية .. كل ما درجة الحول كانت كبيره قوي .. كل ما شكل الانسان بيبقى وحش قوي .. الحول بيبوظ شكل الناس خالص .. مش كده وبس .. الحول الجامد قوي زي اللي كان عند ابراهيم كده بيأثر على شخصيته وعلى نفسيته.

المهم .. بعد ماشفت ابراهيم في العياده .. اتفقنا تاني يوم الصبح نعمل العمليه .. زاوية الحول كانت كبيره قوي عشان كده انا عملت العمليه في عينيه الاتنين .. بصراحه النتيجه كانت ناجحه جداً ..  سافروا على طول بعد العمليه لأسيوط .. النهارده بعد اسبوعين من العمليه دخل عليا العياده شاب .. اناقة ايه .. وشياكة ايه .. انا ساعات والله مش باخد بالي غير بعد ما اعمل العمليه واتفاجئ بعديها بواحد تاني خالص .. مش في الشكل بس .. لا والله .. باحس ان الواحد شخصيته ونفسيته اتعدلت زي ماعينه اتعدلت .. ثقة ايه .. ولباقة ايه .. وضحك ونكت ايه ..

الحمد لله .. يستاهل الحمد