حالة هذا الأسبوع  ( 260 ) 

" الحول الأنسي والعين الضعيفة  "

الآنسة دي عندها 16 سنة ..  قالت لي ( انا كنت مولودة طبيعية خالص .. وانا عندي 6 سنين رحنا لدكاتره كتير عشان كانت عيني اليمين نظرها ضعيف .. كلهم قالوا محتاجه نضاره عشان عندي عين قويه وعين ضعيفه .. كنت صغيرة ومش بارضى ألبس النضاره خالص )

لما كشفت عليها لقيت العين الشمال ممتازه .. سته على سته .. بس اليمين فيها طول نظر +3 درجات ونظرها 6/24 .. هو صحيح طول نظر مش جامد لكن عشان هي مش منتظمة في النضاره ومركزه طول الوقت بالعين السليمه بس .. فالعين اليمين ضعفت أكتر وطبعاً ظهر فيها الحول

دلوقتي هي محتاجه حاجتين .. مينفعش نعمل حاجة ونسيب التانية .. أول حاجه لازم نعدل الحول ده بعمليه .. والحاجه التانيه لازم تلبس نضاره وتعمل تمارين تغطية عشان نحسن نظر العين دي .. صحيح هي كبرت على تمارين التغطية .. بس لازم نحاول برضه

المهم .. عملت لها العمليه من اسبوع .. النهاردة بعتت على الفيس رسالة في منتهى الرقة فيها صورتها اللي قدامكم دي .. بسم الله ما شاء الله .. البنت بقت زي القمر .. حاجة تانية خالص ولسه لما الاحمرار ده يروح هتبقى أجمل وأجمل

الف مبروك يا بنتي وحمد الله على السلامه

عنوان العيادة

*************************

د. جمال الدين احمد صبحي

رئيس قسم الحول بالمعهد التذكاري للأبحاث الرمدية

*************************