حالة هذا الأسبوع  ( 321 ) أميرة .. 20 سنة.. من القاهرة

" الحول الوحشي المتقطع "

متقطع يعني العين مش حوله على طول .. ساعات تبقى حادفه لبره كده وساعات ما يكونش فيه أي حول

دي أهم الأسئلة اللي المرضى بيسألوها دايماً عن الحول الوحشي المتقطع :

" هو الحول المتقطع ممكن يضعف النظر ؟ "

-         العين نظرها مش بيضعف أبداً من الحول المتقطع لأن كل شويه العين بتتعدل وتبص طبيعي .. عشان كده نظرها مش بيضعف

" طيب ليه نعمل عملية مادام الحول ده مش ضار ؟ "

-         رغم ان الحول المتقطع ملوش أي ضرر على النظر لكن له ضرر كبير طبعاً وهو شكله لما بيظهر .. خصوصاً عند البنات .. مفيش بنت بتوافق أبداً انها تسيب عينها تحول بالمنظر ده ودايماً يطلبوا مني انهم يعملوا عملية عشان الحول ده ما يظهرش تاني

" هو الحول ده ملوش علاج إلا العملية ؟ "

الحول الوحشي المتقطع لايمكن نمنعه من الظهور إلا بعمل العملية قولاً واحداً .. النظارة والتمارين علاج مش مؤكد للحول المتقطع .. ساعات بتنفع وغالباً لأ.

" طيب نسبة نجاح العملية كام في الميه ؟ "

نسبة نجاح عملية الحول الوحشي المتقطع تقريباً 100%

" طيب امتى نقدر ِنعمل العملية ؟ "

ممكن من سن 4 سنين نقدر نعمل عملية الحول الوحشي المتقطع

" طيب ممكن تتعمل في سن أكبر من كده ؟ "

طبعاً ممكن تتعمل في سن أكبر .. مفيش مشكلة

ألف حمد الله على سلامتك يا أميرة

عمليتك زي الفل