حالة هذا الأسبوع ( 379 )

فيروز ... 4 سنين

" الحول الوحشي المتقطع "

حول متقطع يعني مش دائم .. يعني ساعات العين تبقى حادفة لبره كده وساعات ما يكونش فيه حول خالص .. والعين نظرها مش بيضعف أبداً من الحول المتقطع لأن كل شوية العين بتتعدل وتبص طبيعي .. عشان كده نظرها مش بيضعف .. ورغم اني فعلاً بأقول للأمهات ان الحول المتقطع ملوش أي ضرر على النظر إلا ان مفيش أم بتوافق أبداً انها تسيب بنتها تحول بالمنظر ده ودايماً يطلبوا مني انهم يعملوا عملية عشان الحول ده ما يظهرش .. فيروز كان عندها حول متقطع .. صحيح العملية لأسباب معينة اتعملت على مرحلتين .. بس المهم في النهاية الحول اختفى تماماً وبقت زي القمر .. بس الحق يتقال هي كانت قمر برضه حتى قبل العملية

ألف حمد الله على سلامتك يا حبيبتي