حالة هذا الأسبوع ( 387 )

نادين أنور الرشيدي  7 سنوات من السعودية

" الحول الوحشي المتقطع "

حول متقطع يعني مش دائم .. يعني ساعات العين تبقى حادفة لبره كده وساعات ما يكونش فيه حول خالص .. والعين نظرها مش بيضعف أبداً من الحول المتقطع لأن كل شوية العين بتتعدل وتبص طبيعي .. عشان كده نظرها مش بيضعف .. ورغم اني فعلاً بأقول للأمهات ان الحول المتقطع ملوش أضرار على النظر إلا ان مفيش أم بتوافق أبداً انها تسيب بنتها تحول كده ودايماً يطلبوا مني انهم يعملوا عملية عشان الحول ده ما يظهرش تاني ومفيش حد يتنمر على بنتهم

نادين كانت عندي من أسبوعين في العيادة .. مامتها جت لي من السعودية عايزه تشوف علاج للحول ده عشان ميظهرش كل شوية .. بنتها كبرت .. ابتدت تاخد بالها من كلام الناس عليها .... احنا عارفين طبعاً  ان الحول الوحشي المتقطع علاجه عمليه .. ملهوش علاج تاني .. لا نضارة ولا غيره .. مفيش حل إلا العملية