|
حالة هذا الاسبوع ( 147 ) اروى احمد
حبيب .. سنتين
" العيون الراقصه - الرأرأه -
والبص
بالجنب "
حالة النهارده عن مرض الرأرأه .. الرأرأه يعني اهتزاز
العينين أو ساعات نسميه " العيون الراقصه " .. بنلاقي
الاطفال دول عينيهم على طول ببتتهز زي
اروى
كده .. على طول عينيها رايحه جايه يمين شمال
.. مش بتقف أبداً
طيب هو الطفل اللي
عنده رأرأه وعينيه
بتتهز بيبص بالجنب ليه ؟
ساعات البيبي اللي عنده رأرأه بيكتشف اكتشاف مذهل
.. بيكتشف ان فيه ناحيه معينه لما العين تبصلها العين
بتثيت مش بتتهز .. الناحيه دي المخ بيحبها جداً ودايماً
عايز يخلي العين تبص عليها .. لأن العين لما تبص ناحيتها
مش بتتهز .. ساعات كتير بتكون الناحيه دي مش قدام .. بتكون
في الجنب .. ساعتها نلاقي الطفل عايز يبص للجنب على طول ..
حتى لو عايز يبص قدامه نلاقيه يعوج رقبته عشان يبص بالجنب
برضه .. زي اروى كده قبل العمليه
طيب احنا بنعمل ايه في عملية الولاد دول .. الهدف
من العمليه اننا نجيب الناحيه الجميله دي اللي المخ بيحبها
.. نجيبها قدام العين عشان الطفل يبص قدامه عادي من غير ما
يعوج رقبته .. عمليه صعبه وقياستها معقده جداً وبتتعمل في
كل العضلات الأفقيه في العينين .. الحمد لله على توفيق
ربنا ..
عملية اروى نتيجتها هايله
البنت
أخيراً بقت بتبص قدامها عادي زي بقية الاطفال .. النهارده
شفتها بعد العمليه .. أول مامتها ما فتحت باب العياده
ولقيت القمر ده باصص لي عادي كده .. الفرحه ما سعتنيش ..
الحمد لله رب العالمين .. حمد الله على سلامتك يابنتي
د. جمــال صبحي
|
.jpg)
