حالة هذا الأسبوع ( 309 )

" الحول الوحشي عند الكبار"

يومياً افتح رسايل الصفحة ألاقي نفس السؤال

" انا عندي أربعين سنة .. وانا عندي 50 سنة .. وانا عندي 60 سنة .. ينفع اعمل عملية الحول ؟ "

طيب أحب اقول الأول ان مفيش حاجة تمنع اي انسان انه يعمل عملية الحول مهما كان عمره .. اربعين .. خمسين .. ستين .. برضه ينفع يعمل العملية ويعدل الحول

صحيح انا دايماً أقول ان الحول لازم يتعدل في سن صغيرة لأن العين الحوله هتضعف ولازم نعدل الحول قبل النظر ما يضعف .. لكن برضه ياجماعة .. لو واحد عاش كده طول عمره .. وبعدين فكر انه يعمل عملية عشان يعدل الحول .. ينفع يعمل العملية ولا لأ ؟

طبعاً ينفع .. مفيش أي مشكلة مهما كان سنك ينفع تعمل العملية

حمد الله على سلامتك يافندم والف مبروك