حالة هذا الأسبوع ( 316 ) الحاج خاطر .. 55 سنة .. من قنا

" الحول عند الكبار "

يومياً ياجماعه افتح رسايل الصفحة ألاقي السؤال ده  :

·       انا عندي 40 سنة ينفع اعمل عملية الحول ؟

·       ينفع أعمل عملية الحول وأنا عندي 50 سنة ؟

·       أنا عندي 60 سنة وعايز أعمل عملية الحول .. تنفع ولا متنفعش ؟

طيب الأول أحب اقول لكم ان مفيش حاجه إسمها مينفعش تعمل عملية الحول مهما كان عمرك .. وكلمة مهما كان عمرك دي ملهاش حدود .. اربعين .. خمسين .. ستين أو أكتر .. برضه ينفع طبعاً تعمل العملية وتعدل الحول

النهارده عم خاطر جالي استشارة بعد العملية بأسبوع .. طبعاً حاجة تانية خالص تخليني أصر على رأيي .. لأ ياجماعه .. محدش يوافق يكمل حياته أحول .. مهما كان عمره .. إوعى توافق تكمل حياتك كده .. شوف عم خاطر .. شوف شكله قبل العملية وشكله بعد العملية .. حاجه تانيه خالص

عم خاطر قالي بالحرف الواحد صحيح القرار كان متأخر بس مش مهم .. المهم إني اتشجعت وأخدت القرار

برافو والله يا عم خاطر .. بالظبط زي المثل ما بيقول :

" أن تأتي متأخراً خيرٌ من ألا تأتي أبداً "

وأخيراً ألف شكر يا عم خاطر إنك وافقت أنزل صورتك على صفحتي

حمد الله على سلامتك يافندم والف الف مبروك