|
حالة هذا الأسبوع ( 488 )
الحاج سلامة .. 62 سنة
.. من قنا
" الحول عند الكبار "
كل يوم افتح رسايل الصفحة
ألاقي السؤال ده بيتكرر يومياً
" عندي سؤال يا دكتور
جمال .. ينفع
اعمل العملية في سني ده ؟ "
فتحت رسايل الصفحة لقيت
عم سلامة باعت صورته دي وبيسألني نفس السؤال اللي كل
المرضى في سنه بيسألوه
وردي عليه كلكم عارفينه
.. طبعاً ينفع يا حاج وأكبر منك كمان .. عملية الحول ممكن
تتعمل في أي سن
مفيش من الناحية الطبية حاجة تقول ان مينفعش انسان مهما
كان عمره انه يعمل عملية عشان يعدل الحول .. وكلمة " مهما
كان عمره " دي ملهاش حدود .. اربعين .. خمسين .. ستين ..
سبعين .. برضه ينفع يعمل العملية ويعدل الحول
انا خلال مشواري الطويل في التخصص ده ..
عملت عمليات كتير
لمرضى فوق الستين .. والمفاجأة بقى ان انا مش قادر اوصف
لكم الفرحة والسعادة اللي كانت عندهم بعد العملية بعد
الحول ما اتعدل .. ضحكة جميلة داخلين بيها العيادة بعد
العملية .. ضحكة ملهاش مثيل تشوفها على وشهم .. زي ضحكة عم
سلامة الجميلة دي لما جاني بعد العملية أطمن عليه .. حاجة
تفرح فعلاً .. نيولوك بجد
حمد الله على سلامتك ياحاج سلامة والف مبروك
|
.jpg)
