|
حالة هذا الأسبوع (
325 )
أم سلمة .. 31 سنة .. من
السودان
" الحول الأنسي المرتجع "
مينفعش بنت في سن أم سلمة
لسه الدنيا كلها قدامها ترضى انها تكمل حياتها
بالحول ده .. مفيش أي مبرر لكده .. حتى لو كانت عملت
عمليتين قبل كده والحول رجع تاني .. برضه ده مش مبرر أبداً
انها ترضى تعيش كده .. لازم تكون مناضلة .. بطلة .. ايه
يعني انك عملتي عمليتين والحول رجع .. الحول المرتجع علاجه
عملية برضه وان شاء الله ميرجعش تاني .. المهم الحول ده
لازم يتعدل .. ازاي مدرسة شاطرة وناجحة زي أم سلمة
تقابل كل يوم
تلاميذها كده .. طيب تشتغل ازاي.. تتصور مع أصحابها ازاي
.. تحط صورتها في البروفايل بتاعها ازاي
أم سلمة لم
تستسلم زي كتير من المرضى ..
مش راضية أبداً عن
شكلها .. مرضى كتير رفعوا الرايه البيضا بعد اول تجربه
فاشله .. وكملوا حياتهم محبطين ومكسوفين ويائسين ومعقدين
.. لكن أم سلمة لأ
.. لم تستسلم
.. والدليل انها عملت عمليتين قبل كده وأهي جاية النهارده
من السودان عشان تعمل عملية وتعدل الحول اللي رجع
أنا متعمد أحكي حكاية أم سلمة
عشان المرضى اللي
عملوا عملية حول والحول رجع .. بس خلاص .. الدنيا اسودت ..
كارثة قومية .. مصيبة عظمى .. نهاية العالم .. المرضى دول
دخلوا اوضتهم .. قفلوا على نفسهم .. بطلوا يتعاملوا مع
الناس .. مش بيبصوا في عينين حد .. باصين في الأرض على طول
.. مش عايزين أصلاً يسمعوا سيرة دكاترة ولا مستشفيات ولا
سيرة عمليات تاني
أم سلمة غير .. قالت لأ .. مش هأكمل كده .. لازم الحول ده
يتعدل .. هأعمل تالت عملية .. مش هأسكت الا لما الحول ده
يتعدل ويبقى شكلي طبيعي زي باقي الناس
المهم .. عملت العملية لأم سلمة
النهارده جت لي استشارة بعد اسبوعين من العملية .. الحمد
لله رب العالمين .. شكلها اتغير خالص .. الحمد لله .. مفيش
حول خلاص .. أخيراً يا أم سلمة
.. أخيراً مفيش
حول .. فعلا حد تاني خالص .. بنت واثقة .. أنيقة .. جميلة
.. مقدرش غير إني اقول الحمد لله رب العالمين .. وألف حمد
الله على سلامتك يا بطلة .. وان شاء الله ميرجعش الحول
تاني أبداً
|
.jpg)
